As “Heroínas” seguen viaxando polos locais culturais da cidade, e foron parar á recentemente inaugurada libraría Berbiriana (libros e grolos), un lugar onde poder ler e tomar algo, un lugar tranquilo e reconfortante, un lugar perfecto para ir visitar ás “Heroínas”.
Berbiriana está na Rúa Santiago nº 7,
Exposición de pinturas de Marta Paz
Inauguración o próximo xoves 5 de Marzo as 20’00h na asociación cultural A.c. Alexandre Bóveda.
Olmos, 16-1º
Presentación a cargo de Victoria Louro Ferreiro (Responsable da Comisión da Muller da ACAB)
“Heroinas” é unha serie de retratos de mulleres que non se conformaron coa vida que lles tocou vivir e loitaron por unha vida máis digna para as mulleres.
A Fábrica do Trece convertirase no mes de decembro na Sala das mulleres republicanas “Herorinas”.
A inauguración será na Fábrica do Trece (División Azul, 13 – baixo) o Xoves día 4 de Decembro ás 21h
“Heroinas” é unha serie de retratos de mulleres que non se conformaron coa vida que lles tocou vivir e loitaron por unha vida máis digna para as mulleres.
Temos o pracer de convocarvos a unha nova cita para presentar en Compostela o proxecto Máisquepublicanas.
Este é un proxecto de investigación pintada sobre as mulleres durante a república malva, conta coa participación do colectivo feminista Nomepisesofreghao
e Lola ferreiro na documentación e aos pinceis Marta Paz.
Este venres día 16 de Novembro estaremos a partir das 20:30 con Lola presentando na Libraría Lila (Rúa Travesa nº 7)
Despois, ás 21:30, continuaremos no bar As Dúas (Praza Oliveira) onde haberá petiscos amenizados pola música de Xosé Taboada e César Morán.
Non podes faltar!
No faiado da memoria, agochadas entre os lenzós do olvido, habitaban os nomes do río feminino libre de encoros e desalento. No seu navegar paseniño, por vegadas rápido fluir, foron licuando tropecentas pedras de tropezos impostos polo simples feito de seres mulleres e soñar espertas cun mar de posibilidades no que nadar horizonte comunal de mareas crecentes. Das profundidades do mito atlántico rexurden súas voces como faros de semántica lumínica para lembrarmonos o lume da súa esencia cristalina.
Mariñeiros e mariñeiras escoitan o canto do seu conto senlleiro trazando ronseis de prata na noite do recordo desatado.
Seica un día, unha guerreira de nome antigo Sweena, a da beleza radiante, sentada fronte ao mar divisou o camiño de regreso a illa das mulleres libres e disque viu seus rostros de sereas sereas no espello salgado das ondas. Nese intre, Sweena soubo que algún día recollería sobre as redes espidas dos lenzos a cadencia das súas facianas para eternizalas nun xogo de ollares vivos.
Velaiqui están desveladas as velas das súas dornas sen máis adorno que o da carne de cromosomas cromáticos feita cadro corazón. Démoslle a benvida a festa da memoria liberada que voa ceibe no clamorcósmico das tenras apertas inmortalizadas por Sweena.
Ana Pillado Vega
A Coruña, 9 de Agosto de 2012
O proxecto MáisQuePublicanas preséntase na exposición de pinturas “As históricas somos o máximo”. Este traballo en proceso é unha homenaxe ás mulleres que construíron parte da nosa historia. A todas elas debemoslles moitos do dereitos que hoxe temos.
Durante a República e a guerra civil as mulleres xogaron un papel moi importante que poucas veces se reflexa nos libros de historia. Grazas as súas loitas e a enfrontarse, ás veces soas, a tradicións masculinas, a República convertiuse nun período de grandes logros para as mulleres: en educación, en sanidade, en dereitos sexuais e reproductivos… en xeral para traballar nunha sociedade mais igualitaria que se veu trucada por unha dura guerra na que elas tamén loitaron, non só na fronte, senón tamén tentando manter un sistema do que hoxe herdamos grandes dereitos como o voto, o divorcio, a participación na esfera pública…
Actualmente estamos a viver unha época de recortes de dereitos e liberdades que, en gran medida lles debemos a elas e que nos queren arrebatar, polo que é imprescindible que manteñamos viva a memoria que nos da forzas para seguir, para empoderarnos como elas fixeron. Por eso nesta exposición tamén teñen un lugar mulleres de hoxe, que tanto no privado como na rúa loitan por unha sociedade millor. Mulleres a veces invisíbeis aos ollos de quen narra a historia que agora son rescatadas do esquecemento nestes cadros.
"Maisquepublicanas" Mulleres na República. Marta Paz. 